اسلام آباد(قدرت روزنامہ) پاکستانی سیاسی درجہ حرارت میں اضافہ ہوتا جا رہا ہے ، اپوزیشن جماعتیں کرپشن کی داستانیں بنائے ہوئے ہیں، مسلم لیگ ن اور پیپلز پارٹی نیب کی پکڑ دھکڑ میں ہیں، اور اب وفاقی وزیر پٹرلیم نے پیپلز پارٹی کے ھوالے سے نیا دعوٰی کر دیا ہے ، غلام سرور خان کہتے ہیں کہ پہلے باپ بیٹی جیل گئے، اب بہن بھائی کی باری ہے، مخالفین سن لیں!حکومت اپنی مدت پوری کرے گی، ملک کے غداروں سے کوئی رعایت نہیں ہوگی، ایک چور 10 ارب دوسرا چور 12 ارب دینے کو تیار ہے، عمران خان کوئی ڈیل نہیں کریں گے، وفاقی وزیر پٹرولیم غلام سرور خان نے عوامی اجتماع سے خطاب کرتے ہوئے کہا کہ اقتدار اللہ اور عوام کی امانت ہے. اقتدار میں کبھی خیانت نہیں کرینگے.

بلا تفریق سارے حلقوں میں ترقیاتی کام کروائے جائیں گے. غلام سرور خان نے کہا کہ سیاسی مخالفین 35 سال اقتدار میں رہے. عوام کی خدمت کی بجائےغریب عوام کا خون چوستے رہے. لیکن اب ان مخالفین کا یوم حساب قریب ہے، کرپٹ لوگوں کے مال مسروقہ کی نشاندہی ہو گئی، اب صرف برآمدگی باقی ہے. انہوں نے واضح کہا کہ آئندہ دنوں میں باپ بیٹی کی طرح دو بہن بھائی بھی جیلجائیں گے. ایک چور 10 ارب جبکہ دوسرا چور 12 ارب دینے کو تیار ہے. لیکن عمران خان کوئی ڈیل نہیں کریں گے. نہ ڈیل ہوگی نہ ہی ڈھیل ہوگی.غلامسرور خان نے مخالفین پر واضح کیا کہ وہ کسی مغالطے میں نہ رہیں پی ٹی آئی حکومت اپنی مدت پوری کرے گی.

..