پاکستان سپر لیگ 4۔۔ فنکار افتتاحی تقریب میں پرفارم کرنے کیلئے پرجوش۔۔ تمام پاکستانیوں کی خواہش کیا ہے؟ علی عظمت نے بتا دیا - Daily Qudrat
Can't connect right now! retry

پاکستان سپر لیگ 4۔۔ فنکار افتتاحی تقریب میں پرفارم کرنے کیلئے پرجوش۔۔ تمام پاکستانیوں کی خواہش کیا ہے؟ علی عظمت نے بتا دیا


دبئی( (قدرت روزنامہ) پاکستان سپرلیگ(پی ایس ایل ) کا چوتھا ایڈیشن جمعرات سے دبئی میں شروع ہونے جارہا ہے اور شائقین کرکٹ کے ساتھ فنکار بھی بہت پر جوش نظر آرہے ہیں.اس حوالے سے پی ایس ایل 4 کی افتتاحی تقریب میں پرفارم کرنے والے فنکاروں نے پریس کانفرنس کی.

اداکار فواد خان نے کہا کہ جنون کو افتتاحی تقریب کے لیے خوش آمدید کہتے ہیں،سپر لیگ کا حصہ بننا اعزاز سے کم نہیںہے . جنون گروپ کے معروف گلوکار سلمان احمد نے کہا کہ پی ایس ایل 4کی افتتاحی تقریب میں پرفارم کرنا میرے لیے اعزاز کی بات ہے، پاکستان پر امن ملک ہے اور اب لوگوں کو رائے بدل لینی چاہیے،پاکستان سپر لیگ پاکستان میں کرکٹ کی واپسی کا ذریعہ بنے گی،علی عظمت کا کہنا تھا کہ تمام پاکستانی چاہتے ہیں کہ اب کرکٹ پاکستان میں ہونی چاہیے. گلوکارہ عائمہ بیگ نے کہا کہ سپر لیگ کی افتتاحی تقریب میں پرفارم کرنے کے لیے پرجوش ہوں. واضح ہو کہ پی ایس ایل 4

میں مجموعی طور پر 34 میچز کھیلے جائیں گے جس میں سے 8 پاکستان میں ہوں گے اور دیگر میچز کی میزبانی دبئی، شارجہ اور ابوظہبی کے گراﺅنڈز کریں گے.ذرائع کے مطابق جن میچز کے ٹکٹس کی آن لائن فروخت جاری ہے اس میں شارجہ میں 20 فروری کو کوئٹہ گلیڈی ایٹرز اور ملتان سلطانز، 21 فروری کو پشاور زلمی اور کراچی کنگز، 22 فروری کو ملتان سلطانز اور لاہور قلندرز کے مابین شیڈول میچز شامل ہیں جب کہ ان کے علاوہ 23 فروری کو کوئٹہ گلیڈی ایٹرز بمقابلہ لاہور قلندرز اور 24 فروری کو پشاور زلمی اور ملتان سلطانز کے درمیان شارجہ انٹرنیشنل کرکٹ سٹیڈیم میں کھیلے جانے والے میچز کے ٹکٹس آن لائن دستیاب ہیں،ابوظہبی کے شیخ زید سٹیڈیم میں 4 اور 5 مارچ کو ہونے والے میچز کے ٹکٹس بھی آن لائن فروخت کے لیے دستیاب ہیں ،اس سٹیڈیم میں 4 مارچ کو پشاور زلمی اور کوئٹہ گلیڈی ایٹرز اور 5 مارچ کو لاہور قلندرز اور پشاور زلمی کی ٹیمیں مدمقابل ہوں گی. یاد رہے کہ پاکستان کرکٹ بورڈ (پی سی بی) کے زیر اہتمام پاکستان سپر لیگ کا چوتھا ایڈیشن 14 فروری سے یو اے ای اور پاکستان میں شروع ہوگا، لیگ کا فائنل 17مارچ کو کراچی میں کھیلا جائیگا، لیگ میں 6 ٹیمیں ٹائٹل کے حصول کیلئے پنجہ آزمائی کرینگی، لیگ راﺅنڈ روبن فارمیٹ کے تحت کھیلی جائیگی.

..

مزید خبریں :

Load More