اوپن لیٹر پر چلنے والی گاڑیوں کے خلاف بڑا کریک ڈاؤن،اب گاڑی خریدنے اور فروخت کرنے والے کیلئے کیا کرنا لازمی ہوگا ؟تفصیلات جاری - Daily Qudrat
Can't connect right now! retry

اوپن لیٹر پر چلنے والی گاڑیوں کے خلاف بڑا کریک ڈاؤن،اب گاڑی خریدنے اور فروخت کرنے والے کیلئے کیا کرنا لازمی ہوگا ؟تفصیلات جاری


کراچی(قدرت روزنامہ)حکومت سندھ کو موٹر وہیکل قوا نین/ آرڈیننس میں ترمیم کیلئے تجویز دی ہے تاکہ اوپن لیٹر پر چلنے والی گاڑیوں کی حوصلہ شکنی کی جا سکے.یہ بات صوبائی وزیر برائے ایکسائزاینڈٹیکسیشن و انسداد منشیات اور پارلیمانی امور مکیش کمارچاؤلہ کی زیرصدارت ہونے والے ایک اجلاس میں بتائی گئی.

اجلاس میں سیکرٹری ایکسائزاینڈٹیکسیشن و انسداد منشیات اور پارلیمانی امور عبدالرحیم شیخ ،ڈائریکٹر جنرل ایکسائز اینڈ ٹیکسیشن شبیراحمد شیخ اور دیگر ڈائریکٹرز نے بھی شرکت کی. اجلاس کو بریفنگ دیتے ہوئے ڈائریکٹر جنرل شبیر احمد شیخ نے بتایا کہ موٹر وہیکل قوانین میں ترمیم کے لئے حکومت کو تجویز بھیج دی گئی ہے جس کے تحت گاڑی خریدنے اور فروخت کرنے والے کے لیے یہ لازمی ہوگا کہ وہ گا ڑی کی رجسٹریشن /ٹرانسفر کے وقت بائیومیٹرک تصدیق کے لئے موجود رہے.انہوں نے مزید کہا کہ محکمہ ایکسائز سندھ کے تحت اسمارٹ کارڈ کے اجرا ء کے لئے تمام کارروائی مکمل کر لی گئی ہیں اور اس اسمارٹ کارڈ میں پنجاب میں جاری کردہ اسمارٹ کارڈ کے مقابلے میں زیادہ سیکیورٹی فیچرز شامل ہیں. اجلاس سے خطاب کرتے ہوئے صوبائی وزیر ایکسائز اینڈٹیکسیشن و انسداد منشیات و پارلیمانی امور مکیش کمار چاؤلہ نے اس بات پر اطمینان کا اظہار کیا کہ محکمہ ایکسائز کے اقدامات کے باعث اوپن لیٹرز پر چلنے والی گاڑیوں کی حوصلہ شکنی ہو رہی ہے. انہوں نے افسران کو ہدایت دی کہ وہ اوپن لیٹر ز پر چلنے والی گاڑیوں کی حوصلہ شکنی کے لیے مزید اقدامات کریں. اس موقع پر صوبائی وزیر مکیش کمار چاؤلہ نے 9 جنوری سے شروع ہونے والی روڈ چیکنگ مہم کے انتظامات کا جائزہ لیا.

..

مزید خبریں :

حقیقی خوشی

حقیقی خوشی

(05:32) فروري 17, 2019
زنا ایک قرض ہے

زنا ایک قرض ہے

(05:02) فروري 17, 2019
Load More