یو اے ای، 5000سوشل میڈیا اکائونٹ کی بندش،آگاہی مہم جاری | Daily Qudrat - Latest Urdu News website
Can't connect right now! retry

یو اے ای، 5000سوشل میڈیا اکائونٹ کی بندش،آگاہی مہم جاری


دبئی(قدرت روزنامہ) متحدہ عرب امارات نے اسمارٹ سسٹم کے ذریعے 5 ہزار سے زائد سوشل میڈیا اکاونٹ بند کردیے ، فراڈ سے بچنے کے لیے آگاہی مہم بھی چلائی جارہی ہے .تفصیلات کے مطابق سائبر فراڈ سے متعلق آگاہی مہم شروع کرتے ہوئے اماراتی پولیس نے اعداد و شمار ظاہر کرتے ہوئے بتایا کہ اب تک سائبر کرائم میں ملوث پانچ ہزار اکاونٹ بند کیے جاچکے ہیں.

ضرور پڑھیں: یو اے ای، 5000سوشل میڈیا اکائونٹ کی بندش،آگاہی مہم جاری

دبئی پولیس کے ڈائریکٹر انویسٹی گیشن بریگیڈئیر جمال سلیم الجلاف کا کہنا ہے کہ اس کام کے لیے پولیس اور اتصلات نامی ٹیلی کام کمپنی مل کر کام کررہے ہیں اور انتہائی باریک بینی سے مشتبہ اکاونٹس کا جائزہ لینے کے بعد ان میں سے بوگس اکاونٹس کو بند کیا گیا ہے.اتصلات کے ڈائریکٹر محمد کا کہنا ہے کہ اس کام کے لیے ایک آٹومیٹڈ سسٹم نصب کیا ہے اور ہم چاہتے ہیں کہ اس حوالے سے وسیع پیمانے پر آگاہی فراہم کی جائے کہ آگاہی ہی وہ سب سے مستند ذریعہ ہے جس کے ذریعے لوگ آن لائن فراڈ سے بچ سکتے ہیں.

 

دبئی پولیس کی اس آگاہی مہم کا نام جعلی اکاونٹ سے خبردار رکھا گیا ہے.اس مہم میں عوام کو ان طریقوں سے روشناس کرایا جارہا ہے جن کے ذریعے سائبر کرائم میں ملوث مجرم عوام کو سوشل میڈیا بالخصوص فیس بک ، انسٹا گرام او رد وسرے پلیٹ فارمز کے ذریعے نشانہ بناتے ہیں.دبئی پولیس نے سنہ 2015 میں آن لائن فراڈ کے 128، 2016 میں 292 اور 2017 میں 133 کیس ریکارڈ کیے تھے اور رواں سال ان کیسز کی تعداد اب تک 126 ہوچکی ہے ، زیادہ تر ملزمان کی عمریں 30 سے 35 سال کے درمیان ہیں اور ان میں سے اکثر امارات کے شہری نہیں ہیں.

..

ضرور پڑھیں: اس سے آپ کاتعلق نہیں،احتساب عدالت نے خواجہ حارث کو حسین نوازکونوٹس پر دلائل سے روک دیا

مزید خبریں :